Hádegisfréttir

Hádegisfréttir 29. maí 2023

Rúmlega hundrað börn á flótta hafa komið til landsins án fylgdar fullorðins síðasta eina og hálfa árið. Þetta eru álíka mörg fylgdarlaus börn og komu tíu árin á undan til samans.

Enginn þingmaður, hvorki úr stjórn né stjórnarandstöðu, hefur lagt til að laun þeirra hækki minna en lög kveða á um og Alþýðusambandið hefur hvatt til. Forseti Alþingis segir að breyta þyrfti lögum til að breyta lögbundinni launahækkun.

Ríkissáttasemjari hefur boðað fulltrúa BSRB og viðsemjendur þeirra á óformlegan fund í dag. Sundlaugar eru lokaðar í nokkrum sveitarfélögum vegna verkfallsins, og fjöldi leikskóla á morgun.

Mögulegt er að Tyrklandsforseti mildist í afstöðu sinni til NATÓ-aðildar Svía, nú þegar hann hefur tryggt sér aframhaldandi setu á forsetastóli. Sitji hann út kjörtímabilið spannar valdatími hans aldarfjórðung.

Strandveiðimenn vilja jafna aðstöðu veiðimanna á öllum svæðum með því að fækka veiðidögum. Á móti verði ekki hægt að stytta tímabilið, en ef ekkert verði að gert gæti því lokið í júlí.

Eldri borgarar flytjast á milli sveitarfélaga eftir þjónustuþörf. Flestir færa sig yfir í Kópavog og Árborg, en flestir fara frá Reykjavík.

Endurunnið heyrúlluplast kemur vel út úr prófunum og ekki er munur á heyi eftir því hvort það er geymt í endurunnu eða hefðbundnu rúlluplasti.

Frumflutt

29. maí 2023

Aðgengilegt til

Rennur ekki út

• 00:01:37 Fylgdarlaus börn
• 00:03:22 Yfirvofandi launahækkanir ráðherra
• 00:05:23 Fundur í kjaradeilu BSRB
• 00:06:08 Loftárásir á Kænugarð
• 00:07:51 Strandveiðar
• 00:08:53 Erdogan fær heillaóskir
• 00:10:59 Skýrsla KPMG um eldri borgara
• 00:12:59 Belarús um kjarnorkuvopn
• 00:14:26 Endurunnið rúlluplast jafn gott og annað
• 00:16:12 Pochettino til Chelsea
• 00:16:33 Íþróttir
• 00:18:40 Veður
• 00:19:10 Seinni helst

Útvarpsfréttir.