Hádegisfréttir

Hádegisfréttir 28. janúar 2023

Krafa ríkissáttasemjara um að Efling afhendi kjörskrá félagsmanna, svo hægt sé að kjósa um miðlunartillögu í kjaradeilu Eflingar og SA, verður dómtekin á mánudag. Deilt er um hvað felist í því að ríkissáttasemjari hafi samráð við deiluaðila áður en miðlunartillaga er lögð fram.

Enginn í meirihluta bæjarstjórnar Akureyrar hefur ákveðið að krefjast þess að forseti bæjarstjórnar víki úr starfi en hann hefur verið ákærður vegna slyss á fjórum börnum í hoppukastala fyrir hálfu öðru ári. Málið verður rætt á fundi á mánudag.

Fólk þyrptist út á götur í Memphis og fleiri borgum Bandaríkjanna eftir að myndskeið af handtöku Tyre Nichols voru birt seint í gær. Fimm lögreglumenn létu höggin dynja á Nichols sem lést af sárum sínum.

Ísraelska lögreglan hefur handtekið 42 vegna skotárásar í Jerúsalem í gær þar sem sjö Ísraelar voru skotnir til bana. Önnur skotárás var framin í borginni í dag, tveir eru alvarlega særðir.

Safn um Gísla á Uppsölum opnar árið 2025 á heimili hans í Selárdal. Markmið þess er að kynna Gísla fyrir nýjum kynslóðum og varðveita merkilega sögu mannsins.

Danir og Frakkar leika um heimsmeistaratitil karla í handbolta á morgun. Heimamenn í Svíþjóð leika um bronsið við Spánverja.

Frumflutt

28. jan. 2023

Aðgengilegt til

Rennur ekki út

• 00:01:31 Kosning um miðlunartillögu - næstu skref
• 00:03:55 Hoppukastalamálið - viðbrögð bæjarstjórnar
• 00:06:05 Lögregluofbeldi í Memphis
• 00:08:24 Bílslys á Nesinu
• 00:08:43 Skotárás í Jerúsalem
• 00:10:32 Úrkomuskil ganga yfir landið
• 00:11:01 10 ár frá Icesave-sigri
• 00:13:28 Opna safn um Gísla á Uppsölum
• 00:15:21 Geislavirkt hylki týnt á 1400 km kafla
• 00:16:51 Íþróttir
• 00:18:39 Veður
• 00:19:01 Seinni helst

Útvarpsfréttir.