Hádegisfréttir

12.01.2026

Stjórnvöld í Íran eru bæði tilbúin til samningaviðræðna við Bandaríkin eða stríð, segir utanríkisráðherra landsins. Forseti Bandaríkjanna skoðar möguleikann á hernaðaríhlutun í Íran, vegna mótmælanna sem ekkert lát er á.

Þjóðvegur eitt hefur verið lokaður á löngum kafla undir Vatnajökli síðan í gær vegna óveðurs og verður ekki opnaður fyrr en á morgun. Ferðamenn komast ekki að skoða Jökulsárlón og sitja fastir á Hornafirði.

Tveir karlmenn voru handteknir á Selfossi í gær. Málið tengist ekki skipulagðri glæpastarfsemi en lögregla taldi ástæðu til að kalla eftir aðstoð sérsveitar ríkislögreglustjóra til að tryggja öryggi.

Sóttvarnalæknir segir ólíklegt að mislingar breiðist út í samfélaginu þrátt fyrir að barn hafi greinst með sjúkdóminn í síðustu viku. Hún hvetur fólk til að kanna hvort það er bólusett.

Sturla Böðvarsson, fyrrverandi ráðherra, þingmaður og bæjarstjóri er látinn, áttræður að aldri.

Fimbulkuldi gerði vart við sig á Norðurlöndum í gær og frost fór í nærri 20 stig í Danmörku. Veður hefur farið hlýnandi en búist er við að snjóþyngd geti valdið usla í Noregi.

Spennugamanmyndin One Battle After Another hlaut flest verðlaun þegar Golden Globe-verðlaunin voru veitt í nótt.

Meta segist hafa lokað yfir hálfri milljón samfélagsmiðlareikninga í Ástralíu eftir að samfélagsmiðlabann fyrir börn yngri en sextán ára tók gildi í desember.

Frumflutt

12. jan. 2026

Aðgengilegt til

Rennur ekki út

• 00:01:36 Mótmæli í Íran
• 00:04:16 Óveður og lokaðir vegir
• 00:06:29 Veðurfræðingur Vegagerðarinnar um færð
• 00:08:07 Íhugar að kæra synjun um varðhald
• 00:08:47 Sérsveit á Selfossi
• 00:09:56 Hvetur fólk til að kanna bólusetningarstöðu
• 00:11:19 Sturla Böðvarsson látinn
• 00:12:50 85% búin að skrá kílómetrastöðu
• 00:13:25 Gullhnötturinn
• 00:14:52 Fimbulkuldi á Norðurlöndum
• 00:16:11 Meta lokar hálfri milljón reikninga í Ástralíu
• 00:16:52 Metverð fyrir Ofurmennið
• 00:18:18 Íþróttir
• 00:20:22 Veður
• 00:20:48 Seinni helst

Útvarpsfréttir.