Hádegisfréttir

Hádegisfréttir 21. nóvember 2024

Gjósa tók á Sundhnúksgígaröðinni á Reykjanesskaga í gærkvöld skömmu eftir ellefu og gaus á þriggja kílómetra sprungu þegar mest var. Hún hefur styst og nokkuð dregið úr krafti gossins. Hraun fór yfir Grindavíkurveg í nótt og nálgast Bláa lónið. Það rennur hratt fram.

Hátt í sextíu voru í bænum þegar fór að gjósa. Lúðrar voru þeyttir en ekki heyrðu allir í flautunum. Lögreglustjórinn á Suðurnesjum segir að rýmingin hafi gengið vel og ekki sé tilefni til að endurskoða verklag. Hægt sé að rýma bæinn hratt þegar á þarf að halda.

Rafmagnslaust var í Grindavík um tíma í morgun en það er aftur komið á. Hraun flæðir yfir Njarðvíkuræð en hvergi er heitavatnslaust.

Úkraínumenn segja Rússa hafa skotið langdrægri flaug sem getur borið kjarnavopn í morgun. Slíkum flaugum er hægt að beina að skotmörkum í allt að sex þúsund kílómetra fjarlægð.

Formaður samninganefndar sveitarfélaganna segir viðræður við kennara ganga vel. Margt sé þó óleyst og engar líkur á að skrifað verði undir samninga í dag.

Alþjóðlegi sakamáladómstóllinn gaf í morgun út handtökuskipun á hendur forsætisráðherra Ísraels.

Samfylkingin bætir við sig talsverðu fylgi í nýrri könnun Maskínu. Viðreisn mælist með yfir tuttugu prósent en Vinstri græn fá aðeins þrjú prósent. Framsóknarflokkurinn og Sósíalistar tapa mestu á milli kannana.

Frumflutt

21. nóv. 2024

Aðgengilegt til

Rennur ekki út

• 00:01:40 Ástand orkumála í morgun
• 00:02:50 Frá Svartsengi
• 00:07:49 Heyrði ekki í viðvörunarflautum
• 00:09:00 Úlfar um rýmingu Grindavíkur og flautur
• 00:10:18 Almannavarnir
• 00:13:56 Bláa lónið
• 00:15:25 Freysteinn Sigmundsson
• 00:18:05 Ný fylgiskönnun fyrir Vísi
• 00:18:47 Rússar beita langdrægum flaugum
• 00:20:21 Handtökuskipun á hendur Netanyahu
• 00:20:43 Kjaradeila kennara
• 00:22:45 Veður
• 00:23:04 Seinni helst

Útvarpsfréttir.