Hádegisfréttir

Hádegisfréttir 20. október 2023

Ísrael gerði árás á kirkju á Gaza í nótt. Flutningabílar hlaðnir hjálpargögnum bíða enn eftir að komast til íbúa Gaza. Vel á annað hundrað mætti á samstöðufund við Ráðherrabústaðinn í morgun og krafðist þess að íslensk stjórnvöld fordæmdu hernað Ísraela.

Yfirlögregluþjónn hjá miðlægr­i rann­sókn­ar­deild lögreglu­ viðurkennir að hún hafi gert mistök við vettvangsrannsókn í manndrápsmáli í Drangahrauni. Dóttir hins látna fann mögulegt morðvopn í íbúð föður síns í vikunni, fjórum mánuðum eftir að lögregla gerði húsleit og yfirsást hnífurinn.

Á öðrum degi Hringborðs norðurslóða verður meðal annars rætt um stefnu stórvelda á norðurslóðum, loftslagsmarkmið og varnarmál.

Miklar breytingar á lífríki hafsins við Ísland og hröð súrnun þess komu lífeðlisfræðingi Hafrannsóknastofnunar mest á óvart við könnun vísindanefndar loftslagsmála á ástandi sjávar.

Slökkvilið fær rýmri heimildir til úttektar á íbúðarhúsnæði, nái breytingar á lögum um brunavarnir fram að ganga og hægt verður að skrá búsetu í atvinnuhúsnæði.

Rjúpnaskytta á Egilsstöðum segir veður óhentugt og snúið að finna fugl á fyrsta degi veiðinnar. Veiða má alla daga vikunnar nema miðvikudaga og fimmtudaga. Veiðimenn telja ekki þörf á þeim takmörkunum, menn sýni hófsemi og veiði í jólamatinn fyrir sig og sína.

Hollywood-leikarar geta talist verkfallsbrjótar klæðist þeir hrekkjavökubúningum sem byggjast á þekktum persónum af hvíta tjaldinu. Þeir hafa verið í verkfalli síðan í sumar.

Frumflutt

20. okt. 2023

Aðgengilegt til

Rennur ekki út

• 00:01:50 Loftárás á kirkju á Gaza
• 00:03:29 Samstöðufundur við Tjarnargötu
• 00:05:15 Biden og fjárframlögin
• 00:06:47 Grímur um hnífinn í Drangahrauni
• 00:08:58 Arctic Circle
• 00:10:52 Binda vonir við lagabreytingu í brunavörnum
• 00:12:39 Loftslagið og hafið umhverfis Ísland
• 00:14:18 Ákærður fyrir sérstaklega hættulega líkamsárás
• 00:14:48 Óhentugt veður á fyrsta í rjúpu
• 00:16:55 Möguleg verkfallsbrot Hollywood leikara á hrekkjav
• 00:18:14 Íþróttir
• 00:20:31 Veður
• 00:20:54 Seinni helst

Útvarpsfréttir.