Hádegisfréttir

Hádegisfréttir 14. október 2024

Forseti Íslands ákveður síðar í vikunni hvort hún fellst á tillögu forsætisráðherra um þingrof. Hún átti fund með honum í morgun og ræðir við formenn annarra flokka í dag. Forsætisráðherra sagði í morgun að það hefði ekki verið verjandi að halda stjórnarsamstarfinu áfram.

Formenn Samfylkingar og Viðreisnar eru sammála um að rjúfa þing og boða til kosninga. Kjósa þurfi sem fyrst. Ræða þarf þann möguleika að setja á starfsstjórn fram að kosningum, segir formaður Samfylkingarinnar.

Landskjörstjórn kemur saman til fundar í dag til að ræða framhaldið. Fréttir af stjórnarslitum í gær komu flatt upp á framkvæmdastjóra hennar.

Evrópusambandið fordæmir árásir Ísraelshers á friðargæsluliða í Líbanon. Stjórnvöld í Ísrael hafa krafist þess að Sameinuðu þjóðirnar dragi friðargæsluliðið til baka.

Varaformaður Læknafélagsins segir að óvissan í stjórnmálunum geti haft áhrif á kjaraviðræður við ríkið. Hann segist vægast sagt hóflega bjartsýnn á að árangur náist á samningafundi sem nú stendur.

Matvælastofnun segir ekkert benda til annars en að leyfi verði gefið út til laxeldis í Seyðisfirði fyrir næsta vor. Samkvæmt nýju áhættumati fyrir Seyðisfjörð ógna þrjú eldissvæði í firðinum ekki siglingaöryggi.

Maður sem var handtekinn nærri kosningafundi Donalds Trumps í Kaliforníu á laugardag segir eintóma þvælu að hann hafi ætlað að ráða Trump af dögum.

Frumflutt

14. okt. 2024

Aðgengilegt til

Rennur ekki út

• 00:01:37 Bjarni á Bessastöðum
• 00:06:16 Formenn á Sóleyjargötu
• 00:08:14 Silfrið
• 00:08:28 Landskjörstjórn fundar í dag
• 00:09:40 Ísrael og Sameinuðu þjóðirnar
• 00:11:48 Laxeldi líklega leyft í Seyðisfirði
• 00:14:12 Kjaramál kennara og lækna
• 00:16:15 Þriðja banatilræðið við Trump
• 00:17:40 Íþróttir
• 00:19:32 Veður
• 00:20:06 Seinni helst

Útvarpsfréttir.