Hádegisfréttir

Hádegisfréttir 6. september 2024

Katrín Jakobsdóttir eyddi 57 milljónum í forsetaframboð sitt, meiru en nokkur annar og nærri tvöfalt meiru en Halla Tómasdóttir.

Eldgosinu á Sundhnúksgígaröðinni á Reykjanesskaga er lokið. Það stóð í tvær vikur. Landris er hafið að nýju í Svartsengi.

Miklar skemmdir urðu á þjóðvegi eitt um Mývatnsöræfi í ofsaroki í gær þegar klæðning flettist af veginum á löngum kafla. Verkstjóri hjá Vegagerðinni man vart annað eins veður.

Forseti Úkraínu segist þurfa fleiri vopn til að hrekja rússneska herinn á brott. Hann vill fá að nota langdrægar flaugar á rússnesku yfirráðasvæði.

Fjármálaráðherra boðar úrlausn hlutdeildarlána fljótlega. Verktakar bíða með tómar íbúðir og fólk með samþykkt kauptilboð.

Gæsluvarðhald yfir manni sem er grunaður um að bana eldri hjónum í Neskaupstað hefur verið framlengt um mánuð.

Sífelldar tafir og miklir gallar á byggingu nýs Kársnesskóla þýddu að Kópavogsbær mátti rifta samningi við verktakafyrirtæki, að mati gerðardóms.

Starfsmaður neyðarskýlis borgarinnar, sem skjólstæðingur réðst á svo hann varð óvinnufær um tíma, átti ekki rétt á bótum samkvæmt niðurstöðu héraðsdóms.

H.C. Andersen verður meðal þeirra sem prýðir nýja danska peningaseðlar sem verða settir í umferð eftir fjögur ár. Þar verður þekkt frammáfólk í danskri og grænlenskri sögu.

Frumflutt

6. sept. 2024

Aðgengilegt til

Rennur ekki út

• 00:01:38 57 milljóna barátta Katrínar
• 00:03:07 Eldgosinu lokið
• 00:05:18 Vegaskemmdir austur á Öræfum
• 00:07:19 Zelensky vill nota langdræg vopn í Rússlandi
• 00:08:40 Banaslys í Urriðaholti rannsókn
• 00:09:09 Lausn í hlutdeildarlánamálum
• 00:11:16 Morðið í Neskaupstað varðhald
• 00:11:44 Máttu rifta samningi um skóla
• 00:12:50 Skýrslutaka vegna sjálfsvarnarkennslu
• 00:13:16 Beitt ofbeldi í neyðarskýli
• 00:14:50 Þyngsti dómur í kjölfara óeirðanna
• 00:15:27 Nýir peningaseðlar í Danmörku
• 00:16:58 Frygðaraukandi froskar gerðir upptækir
• 00:18:19 Íþróttir
• 00:20:26 Veður
• 00:20:55 Seinni helst

Útvarpsfréttir.