Hádegisfréttir

Hádegisfréttir 4. september 2024

Koma hefði mátt í veg fyrir dauða 72 sem fórust í bruna í Grenfell-turninum í Lundúnum. Framleiðendur klæðningar á húsinu leyndu vísvitandi eldhættu sem af henni stafaði. Forsætisráðherra Bretlands hefur beðið aðstandendur þeirra sem fórust afsökunar á að ábendingar um hættuna hafi verið hundsaðar.

Efla þarf íslenskukennslu fyrir innflytjendur til að auka tækifæri þeirra á vinnumarkaði. Um þriðjungur þeirra fær ekki starf í samræmi við menntun og börn innflytjenda standa sig verr í skólum en íslenskir jafnaldrar.

Aðgerðahópur stjórnvalda um aðgerðir vegna ofbeldis og vopnaburðar ungmenna kom saman í morgun. Tónlistarhátíðinni Stíflunni í Árbæ í Reykjavík hefur verið frestað í samráði við lögreglu.

Kaupfélag Skagfirðinga eignast að óbreyttu níutíu og þrjú prósent í Kjarnafæði-Norðlenska. Meirihluti bænda sem átti hlut í kjötvinnslunni hyggst feta í fótspor stærstu hluthafanna og selja sína eign.

Kleifar fiskeldi vill ala tuttugu þúsund tonn af ófrjóum laxi í Fjallabyggð. Sjö sveitarfélögum á Norðurlandi hefur verið boðinn hlutur í félaginu sem annast uppbygginguna.

Sumarið í ár var það kaldasta síðan 1993. Loftþrýstingur hefur aldrei mælst lægri.

Frumflutt

4. sept. 2024

Aðgengilegt til

Rennur ekki út

• 00:01:26 Hefði verið hægt að koma í veg fyrir dauðsföll
• 00:05:06 Skýrsla um innflytjendur
• 00:07:13 Fresta tónlistarhátíð að tilmælum lögreglu
• 00:09:04 Meirihluti í Búsæld vill selja KS
• 00:10:48 Laxeldi í Fjallabyggð
• 00:12:30 Trump hyggst lýsa yfir sakleysi
• 00:13:59 Jólin koma snemma í ár
• 00:14:36 Gular viðvaranir
• 00:16:17 Sögulega lágur loftþrýstingur í sumar
• 00:18:13 Íþróttir
• 00:19:50 Veður
• 00:20:25 Seinni helst

Útvarpsfréttir.