Hádegisfréttir

Hádegisfréttir 9.ágúst

Miklar lögregluaðgerðir voru á Höfn í Hornafirði í gær vegna gruns um fíkniefnasmygl. Samkvæmt heimildum fréttastofu eru tveir menn í haldi.

Forsætisráðherra segir ekki þörf á stórtækum ráðstöfunum vegna fækkunar ferðamanna. Þó þurfi að bregðast við áhyggjum þeirra sem starfa innan ferðaþjónustunnar.

Átök geisa enn í rússneska héraðinu Kursk þar sem Úkraínuher réðist inn á þriðjudag. Yfirmenn rússneska hersins eru sakaðir um að hafa sofið á verðinum.

Verkalýðsforingi og formaður Skólastjórafélags Íslands furða sig á ummælum háskólaráðherra um sóun í grunnskólum.

Borgarstjóri segir að vel hafi gengið að bregðast við húsnæðisvanda leikskólans Brákarborgar. Stefnt er á að taka á móti nemendum í bráðabirgðahúsnæði í Ármúla á mánudag.

Bæjarstjóri Grindavíkur segir að áætlanir geri ráð fyrir að hægt sé að reka Grindavík næstu tólf mánuðina. 1300 hafa flutt lögheimili sitt úr sveitarfélaginu með tilheyrandi áhrifum á fjárhag þess.

Verja á rúmum milljarði króna á næstu árum til að bregðast við sýklalyfjaónæmi. Hætta er á því í náinni framtíð að ekki verði hægt að meðhöndla sýkingar með sýklalyfjum.

Frumflutt

9. ágúst 2024

Aðgengilegt til

Rennur ekki út

• 00:01:33 Smygl á Hornafirði
• 00:03:12 Árásir Úkraínu á Rússland
• 00:04:50 Forsætisráðherra og fækkun ferðamanna
• 00:06:31 Eldgos og skjálftar
• 00:06:56 Skólamáltíðir og skólagögn
• 00:09:14 Hæsti viðbúnaður í Bretlandi
• 00:09:43 Brákarborg
• 00:12:03 Sýklalyfjaáætlun
• 00:12:43 Bæjarstjóri Grindavíkur um fjárhagsstöðu
• 00:14:51 BBC krefur Edwards um endurgreiðslu
• 00:15:38 Greiddi milljónir í mútur
• 00:16:41 Sáttmáli um netglæpi
• 00:18:21 Íþróttir
• 00:20:10 Veður
• 00:20:36 Seinni helst

Útvarpsfréttir.