Einn er í haldi lögreglu vegna rannsóknar á tugmilljóna króna þjófnað úr peningaflutningabíl í Hamraborg í Kópavogi.
Stúdentamótmæli í Bandaríkjunum halda áfram og voru ríflega þúsund handteknir í nótt.
Sérfræðingur í gjörgæslulækningum barna hvetur barnshafandi konur til að þiggja bólusetningu við kíghósta, sýkingin er lífshættuleg ungbörnum. 17 tilfelli hafa greinst hér á árinu.
Dráp Ísraelshers á átta ára dreng á Vesturbakkanum í nóvember er að öllum líkindum stríðsglæpur, samkvæmt sérfræðingum sem breska ríkisútvarpið ræddi við.
Sala á nýjum bílum hefur hrunið það sem af er ári. Sala á dísel- og bensínbílum eykst á meðan sala á rafmagns- og hybrid bílum dregst saman.
Búist er við að breski Íhaldsflokkurinn fái slæma útreið í sveitarstjórnarkosningum sem hófust í Englandi í morgun. Það gæti gefið tóninn fyrir þingkosningar síðar á þessu ári.
Ekkert bendir til þess að búast megi við makríl við vesturströnd íslands í sumar. Stofninn hefur minnkað mikið síðustu ár og markríll ekki sést í íslensku lögsögunni lengi.
Strandveiðitímabilið hófst í morgun. Ríflega fimmhundruð og fjörutíu útgerðir smábáta hafa tryggt sér leyfi til strandveiða - heldur fleiri en á sama tíma í fyrra.
Fulltrúar Matvælastofnunar taka sýni til kanna hvort lundar sem fundust dauðir í fjöru á Dalvíki hafi drepist úr fuglaflensu.
