Hádegisfréttir

Hádegisfréttir 29. apríl 2024

Landskjörstjórn úrskurðaði ellefu forsetaframboð gild á fundi sínum í morgun. Forsetaframbjóðendur hafa aldrei verið fleiri. Tveir frambjóðendur voru úrskurðaðir úr leik.

Ekki er samstaða í þingflokki Framsóknarmanna um að veita laxeldisfyrirtækjum ótímabundið rekstrarleyfi í íslenskum fjörðum. Formaður atvinnuveganefndar segir að endurskoða verði þetta ákvæði í frumvarpi matvælaráðherra um lagareldi.

Fyrsti ráðherra Skotlands sagði af sér í morgun. Hann sagðist hafa vanmetið áhrifin af því að slíta meirihlutasamstarfi við skoska græningjaflokkinn. Aðeins rétt rúmt ár er síðan hann tók við embætti.

Mennta- og barnamálaráðherra segir að nýtt mælaborð farsældar barna nýti tölfræðigögn betur til að meta stöðu þeirra. Mælaborðið var formlega kynnt í morgun

Forsætisráðherra Spánar segir ekki af sér, þrátt fyrir að eiginkona hans sé til rannsóknar fyrir spillingu. Hann tilkynnti þetta í morgun eftir að hafa legið undir feldi í fimm daga.

Enn mælist mengun í neysluvatni á afmörkuðu svæði á Seyðisfirði eftir að blóðvatn komst inn á kerfið við löndun hjá Síldarvinnslunni í síðustu viku. Verksmiðjustjóri segir að mannleg mistök hafi orðið og að húseigendur fái tjón sitt bætt.

Faðir Ingbrigtsenbræðranna, norskra frjálsíþróttakappa, hefur verið ákærður fyrir að beita barn sitt ofbeldi. Hann verður ekki í hópi þjálfara á Ólympíuleikunum í París.

Frumflutt

29. apríl 2024

Aðgengilegt til

Rennur ekki út

• 00:01:36 Ellefu forsetaframboð gild
• 00:03:30 Kosningaumfjöllun RÚV
• 00:05:28 Könnun Mbl Halla Hrund efst
• 00:06:23 Formaður atvinnuveganefndar um lagareldi
• 00:08:39 Humza Yousaf segir af sér
• 00:10:48 Yfir 10 milljón rúmmetrar af kviku
• 00:11:16 Mælaborð farsældar barna
• 00:13:13 Gæsluvarðhald verði framlengt
• 00:13:40 Landlæknir vill ógilda ákvörðun Persónuverndar
• 00:15:00 Pedro Sanchez segir ekki af sér
• 00:16:15 Enn blóðvatnsmengun á Seyðisfirði
• 00:18:12 Íþróttir

Útvarpsfréttir.