Hádegisfréttir

Hádegisfréttir 28. mars 2024

Gert er ráð fyrir að sala á eftirstandandi hlut ríkisins í Íslandsbanka geti skilað allt að 100 milljörðum í ríkiskassann. Þetta kemur fram í frumvarpi fjármálaráðherra um sölu á Íslandsbanka sem var dreift á Alþingi í gær.

Bæjarstjórinn í Grindavík segir að huga verði betur að gæslu í og við bæinn í ljósi þess að óprúttnir náungar hafi látið greipar sópa um eigur Grindvíkinga.

Virkni eldgossins við Sundhnúksgíga hefur verið nokkuð stöðug síðan á mánudag. Náttúrvársérfræðingur segir útlit fyrir að gosið haldi áfram í einhvern tíma.

Forsætisráðherra Ísraels er hættur við að hætta við, að senda fulltrúa til viðræðna í Bandaríkjunum, um yfirvofandi innrás í landamæraborgina Rafah. Hætt var við för sendinefndarinnar á mánudag þegar öryggisráð Sameinuðu þjóðanna ályktaði um tafarlaust vopnahlé á Gaza.

Formaður Flokks fólksins segir að aðför sé gerð að fólki með skerta starfsgetu, sem starfar á Múlalundi, með því að láta það kveðja vinnustaðinn og halda á almennan vinnumarkað. Stjórnvöld túlki samning Sameinuðu þjóðanna um réttindi fatlaðs fólks ekki rétt.

Lögreglan leitar enn tveggja manna sem stálu um þrjátíu milljónum króna í Kópavogi í byrjun vikunnar.

Það stefnir í fínar aðstæður á flestöllum skíðasvæðum landsins yfir páskana og búist er við góðri aðsókn.

Frumflutt

28. mars 2024

Aðgengilegt til

Rennur ekki út

• 00:01:34 Frumvarp um sölu á Íslandsbanka
• 00:03:01 Fannar Jónasson um öryggi í Grindavík
• 00:04:11 Staðan á eldgosinu
• 00:05:27 Vopnahlé á Gaza
• 00:07:22 Inga Sæland um Múlalund
• 00:09:07 Lík finnast í Baltimore
• 00:09:44 Hamraborgarþjófnaður
• 00:11:00 Stjörnugrísinn
• 00:11:33 Skíðapáskar um allt land
• 00:13:22 Bretar varaðir við sterkum bjórum
• 00:14:29 Íþróttir
• 00:16:30 Veður
• 00:16:47 Seinni helst

Útvarpsfréttir.