Hádegisfréttir

Hádegisfréttir 10. nóvember 2023

Hundruð jarðskjálfta hafa mælst við Grindavík frá miðnætti. Almannavarnir segja aðstæður óbreyttar en Grindvíkingar þurfi að þola fleiri skjáltahrinur.

Jarðhræringarnar voru ræddar á fundi ríkisstjórnarinnar í morgun. Innviðaráðherra segir ekki ljóst hvað ríkissjóður þarf að leggja til vegna uppsetningar varnargarða.

Stjórnvöld á Gaza segja að þrettán hafi beðið bana í árás á spítala í dag. Harðar árásir hafa verið við spítala þar sem tugir þúsunda hafa leitað skjóls.

Krónan hefur veikst mikið frá því í byrjun september. Jarðhræringar á Reykjanesskaga og vandræði hjá Marel hafa áhrif á gjaldeyrismarkaðinn, að sögn hagfræðings.

Einum hefur verið sleppt úr haldi vegna skotárásarinnar í Úlfarsárdal í byrjun nóvember. Lögregla fer fram á áframhaldandi gæsluvarðhald yfir fimm manns.

Orkusalan hefur horfið frá því að hafa fyrirhugað stöðvarhús Gilsárvirkjunar neðan við Nykurfossa á Héraði. Þetta er gert til að skerða ekki rennsli í fossunum og hleypa fiski alveg að þeim. Fyrir vikið verður virkjunin ekki eins öflug.

Forsvarsmaður skyndibitakeðjunnar Wok On segir ekkert hæft í orðrómi um að fyrirtækið hafi keypt vörur sem geymdar voru í óheilnæmri geymslu í Sóltúni.

Bandarískir læknar brutu blað í sögu læknavísindanna þegar þeir græddu auga í mann. Óvíst er hvort sjúklingurinn fær sjónina á ný.

Frumflutt

10. nóv. 2023

Aðgengilegt til

Rennur ekki út

• 00:01:31 Fimm hundruð skjálftar frá miðnætti
• 00:03:00 Sigurður Ingi Jarðhræringar
• 00:04:21 Árásir við spítala á Gaza
• 00:06:45 Krónan hefur veikst mikið
• 00:08:36 Einum sleppt eftir skotárásina í Úlfarsárdal
• 00:09:24 Gilsárvirkjun á Héraði
• 00:11:29 Wok On um matvælalagerinn í Sóltúni
• 00:12:56 Mörg hálkuslys í morgun
• 00:13:51 Fyrsta augnígræðslan
• 00:15:50 Ágreiningur á fundi um leikskólamál
• 00:17:48 Eftirmáli af leikskólamálum
• 00:18:02 HÍ og Miðeind hljóta styrk frá Horizon
• 00:19:37 Íþróttir
• 00:21:21 Veður
• 00:21:30 Seinni helst

Útvarpsfréttir.