Hádegisfréttir

Hádegisfréttir 13. september 2023

Forseti Alþýðusambands Íslands segir að stjórnvöld geri ekki nóg til að undirbúa komandi kjarasamninga í fjárlagafrumvarpinu, það auki álögur á fjölskyldur í landinu.

Rúmlega 5.300 borgarbúar í Derna í Líbíu hafa fundist látnir eftir hamfaraflóð í fyrrinótt. Talið er að þrjátíu þúsund hafi misst heimili sín í flóðinu.

Seyðfirðingar telja að Síldarvinnslan hafi svikið loforð sem hún hafi gefið þegar hún keypti útgerð og vinnslu í bænum fyrir níu árum.

Sigríður Dóra Magnúsdóttir er nýr forstjóri Heilsugæslu höfuðborgarsvæðisins. Hún segir að mannekla sé stærsta áskorun heilsugæslunnar.

Forseti Rússlands og leiðtogi Norður-Kóreu boðuðu nánari tengsl milli landanna, meðal annars í varnar- og öryggismálum, eftir fund þeirra í Rússlandi í morgun. Ekkert var minnst á vopnasölu til Rússlands.

Stjórnendur tuttugu og fimm fyrirtækja á Akureyri mótmæla fyrirhugaðri sameiningu Menntaskólans og Verkmenntaskólans. Þeir segja gengið til verks án þess að kostir og gallar hafi verið greindir.

Rúmlega 200 farþegar eru í skemmtiferðaskipi sem strandaði í afskekktum firði á Austur-Grænlandi á mánudag. Varðskip Landhelgisgæslunnar er í viðbragðsstöðu.

Tíu voru í einangrun á Landspítala með covid í síðustu viku. Örvunarbólusetning gegn covid hefst í október og inflúensubólusetning upp úr miðjum október.

Frumflutt

13. sept. 2023

Aðgengilegt til

Rennur ekki út

• 00:01:42 Verkalýðsforkólfar um fjárlög
• 00:03:32 Þriðjungur íbúa Derna heimilislaus
• 00:05:27 Seyðfirðingar reiðir vegna frystihússins
• 00:08:10 Sigríður Dóra nýr forstjóri Heilsugæslu höfuðborga
• 00:09:05 Flensa og covid bólusetningar
• 00:09:47 Pútín og Kim hittast
• 00:11:43 Formannafundur og stefnuræða
• 00:12:20 Þingmálaskrá ríkisstjórnarinnar
• 00:14:11 Fyrirtæki á Akureyri mótmæla sameiningu
• 00:14:52 Ocean Explorer enn pikkfastur
• 00:16:18 Grjóthrunshætta á Reykjanesskaga
• 00:16:47 Innlend netverslun aukist
• 00:18:07 Rauðvínsá í Portúgal
• 00:18:44 Íþróttir
• 00:20:34 Veður
• 00:20:54 Seinni helst

Útvarpsfréttir.