Hádegisfréttir

Hádegisfréttir 28. október 2023

Ísland sat hjá við atkvæðagreiðslu Sameinuðu þjóðanna um mannúðarvopnahlé Ísraela og Hamas í gær, vegna ósættis við orðalag ályktunarinnar. Þingflokkur Vinstri grænna segir að Ísland hefði átt að greiða atkvæði með tillögunni.

Hundruð bygginga hrundu til grunna í loftárásum Ísraelshers á Gaza í nótt, þeim mestu í þrjár vikur. Ísraelsher boðar hertar loftárásir og aukinn landhernað.

Maðurinn sem er grunaður um að hafa orðið átján að bana í skotárás í Maine í Bandaríkjunum á miðvikudag fannst látinn í gær eftir tveggja daga leit.

Niðurstaða úrskurðarnefndar umhverfis- og auðlindarmála um að fella framkvæmdaleyfi Hvammsvirkjunar úr gildi breytir engu um áætlanir virkjunarinnar segir umhverfisráðherra. Það sé ákvörðun Alþingis að fara í þennan virkjunarkost.

Brunavarnir í Árnessýslu voru að störfum í átta tíma í nótt þegar sumarbústaður við Öndverðarnes brann. Engin slys urðu á fólki en bústaðurinn gjöreyðilagðist.

Karlalið KR í fótbolta kynnir síðdegis nýjan þjálfara og íslenska kvennalandsliðið í fótbolta er í 3. sæti í sínum riðli Þjóðadeildarinnar eftir tapið gegn Danmörku á Laugaralsvelli í gærkvöld.

Frumflutt

28. okt. 2023

Aðgengilegt til

Rennur ekki út

• 00:00:00 Helst
• 00:01:24 Þungar árásir á Gaza í nótt
• 00:03:15 Afstaða Íslands hjá Sam. þjóð
• 00:06:02 Árásarmaðurinn fannst látinn
• 00:06:28 Ógn sem stafar af Kína
• 00:07:42 Umhverfisráðherra um Hvammsvirkjun
• 00:10:37 Íbúakosning um sameiningu
• 00:11:00 Biskupsritari um séra Friðrik
• 00:12:31 Misnotkun innan kaþólsku kirkjunnar á Spáni
• 00:13:53 Bústaður brann til kaldra kola
• 00:15:01 Mannleg mistök hjá Stafrænu Íslandi
• 00:16:47 Íþróttir

Útvarpsfréttir.