Hádegisfréttir

Hádegisfréttir 4. júní 2023

Landsvirkjun neitar því að hafa valið einkahlutafélagið Vonarskarð til að miðla viðskiptum með raforku fyrirtækisins á heildsölumarkaði í apríl. Landsvirkjun hafi að vísu falið Vonarskarði að miðla viðskiptunum í október, en það hafi verið þróunarverkefni, sem tengist því ekki að Vonarskarð er nú í lykilaðstöðu að miðla heildsöluviðskiptum á raforkumarkaði.

Lífeyrisgreiðslur sjóðsfélaga í lífeyrissjóði starfsmanna ríkisins lækka um tíu prósent um næstu mánaðamót. Framkvæmdastjóri sjóðsins segir ljóst að auknar lífslíkur þýði að deila þurfi fjármunum úr sjóðnum á fleiri ár.

Ein af lestunum sem rákust á í mannskæðu slysi á Indlandi á föstudag var send á rangt spor. Það olli því að hún skall á kyrrstæðri vöruflutningalest á 130 kílómetra hraða.

Fundur hefst í karphúsinu klukkan eitt í kjaradeilu BSRB og Sambands íslenskra sveitarfélaga, í skugga meiri þunga í verkfallsaðgerðum félagsmanna BSRB á morgun.

Hvalur hf fékk á fimmtudag framlengdan frest frá heilbrigðiseftirlitinu um heilt ár til að lagfæra olíuvarnir. Fyrirtækið fékk sama frest í fyrra, en hefur ekki hafið úrbætur.

Fimm bílar eyðilögðust í eldsvoða í Kópavogi í nótt. Rúður sprungu í nærliggjandi íbúðum og einn var fluttur á slysadeild.

Sjómannadeginum er fagnað um allt land í dag. Akureyringar blésu nýju lífi í hátíðahöldin í ár og leggja nú alla helgina undir, eins og fjöldi bæjarfélaga.

Frumflutt

4. júní 2023

Aðgengilegt til

Rennur ekki út

• 00:01:43 Landsvirkjun um Vonarskarð
• 00:04:45 LSR lækkar lífeyrisgreiðslur
• 00:06:17 Dnipro uppfærð
• 00:06:47 Orsök lestarslyssins fundin
• 00:08:29 BSRB
• 00:09:00 Hvalur hf fékk undanþágu vegna olíutanks
• 00:10:00 Bílabruninn í Engihjalla
• 00:11:07 Sjómannadagurinn
• 00:15:48 Íþróttir
• 00:17:40 Veður
• 00:18:05 Seinni helst

Útvarpsfréttir.