Hádegisfréttir

Hádegisfréttir 6. ágúst 2024

Vel á annað hundrað björgunarsveitarmenn leita enn tveggja ferðamanna í Kerlingarfjöllum. Ekki hefur náðst samband við mennina og ekkert af búnaði þeirra fundist.

Fangelsismálastjóri segir að alltaf sé brugðist hratt við ofbeldismálum á Litla-Hrauni. Þrír fangaverðir slösuðust í fangelsinu á föstudag, í átökum við fanga.

Óeirðir héldu áfram í Bretlandi í gærkvöld sjöunda daginn í röð. Innanríkisráðherra Bretlands segir að búið sé að útbúa 500 ný fangelsisrými fyrir óeirðarseggi. Maður á sextugsaldri slasaðist alvarlega í óeirðum í Belfast.

Hlutabréfamarkaðir í Evrópu hafa ekki tekið við sér á sama hátt og sá japanski eftir dýfu gærdagsins. Hagfræðingur segir skýringuna vera meiri svartsýni gagnvart efnahagslífi í Evrópu og Bandaríkjunum.

Kamala Harris verðandi forsetaframbjóðandi Demókrata tilkynnir í dag hver verður varaforsetaefni hennar í komandi forsetakosningum í Bandaríkjunum. Valið stendur á milli tveggja núverandi ríkisstjóra.

Skjálftavirkni á Reykjanesskaga heldur áfram að aukast. Aukin skjálftavirkni bendir til þess að þrýstingur sé að aukast í kerfinu. Magn kviku undir Svartsengi er orðið svipað og fyrir gosið sem hófst í lok maí.

Hinsegin dagar hefjast í dag. Regnbogalitirnir voru nú í hádeginu málaðir á götuna framan við Hinsegin félagsmiðstöð Samtakanna 78 og Tjarnarinnar við Barónstíg í Reykjavík.

Frumflutt

6. ágúst 2024

Aðgengilegt til

Rennur ekki út

• 00:01:39 Leit í Kerlingafjöllum
• 00:04:08 Aðstæður við Kerlingafjöll
• 00:06:50 Fangaverðir og Litla-Hraun
• 00:08:30 Segir laust pláss í fangelsum fyrir óeirðarseggi
• 00:10:23 Árásarmaður Frederiksen neitar sök
• 00:11:07 Harris tilkynnir varaforsetaefni sitt í dag
• 00:13:26 Aukin skjálftavirkni
• 00:13:54 Hlutabréfamarkaðir
• 00:15:52 Almenningur í Bangladess hafnar herstjórn
• 00:16:42 Hinsegin dagar settir
• 00:18:17 Íþróttir

Útvarpsfréttir.