Við fjölluðum um stöðuna í stjórnmálunum og forsetakosningarnar fram undan í þættinum í dag. Ríkisstjórnin nýja hefur nú starfað í rúmar tvær vikur og segja má að kosningabaráttan um forsetaembættið hefjist formlega í dag þegar framboðsfrestur rennur út og endanlega er ljóst hver verða í framboði. Hjá okkur voru stjórnmálafræðingarnir Magnús Skjöld og Hjörtur J. Guðmundsson, þeir spáðu hér í spilin fyrir þremur vikum og gerðu það aftur í dag.
Umræða um gjörunnin matvæli hefur farið vaxandi undanfarin ár, og niðurstöður rannsókna frá öðrum löndum sýna að stór hluti mataræðis fólks sé mjög mikið unnin vara. En hvernig ætli þessu sé farið hér á landi? Nú er verið að kortleggja það, Steina Gunnarsdóttir doktorsnemi í heilbrigðisvísindum við Matvæla- og næringarfræðideild Háskóla Íslands, vinnur að því og hún kom til okkar.
Svo spiluðum við nokkur lög í tilefni sumardagsins fyrsta í gær sem einmitt heita Sumardagurinn fyrsti. Við heyrðum líka ljóð með sama heiti og rifjuðum upp skrif kúabónda í Reykjahlíðinni um daginn.
Tónlist:
Thomas, Michael Tilson - The swan.
Upplyfting - Traustur vinur.
Martha Mwaipaja - Nifundishe kunyamaza.
Sigríður Níelsdóttir - Sumardagurinn fyrsti.
Hjónabandið - Sumardagurinn fyrsti.
Sigurður Pálsson - Sumardagurinn fyrsti.
Hrekkjusvín - Sumardagurinn fyrsti.
