Uppfæra þarf samstarfssamninginn milli Norðurlandanna, Helsingsforssáttmálann, svo hann endurspegli nýjar áskoranir og tækifæri sem Norðurlöndin standa frammi fyrir. Samningurinn ætti að taka líka til öryggis- varnar og viðbúnaðarmála. Þetta er niðurstaða starfshóps sem hefur unnið að uppfærslu samningsins undanfarið. Hanna Katrín Friðriksson þingmaður Viðreisnar fór fyrir hópnum, og hún kom á Morgunvaktina.
Kosið verður til Evrópuþingsins eftir sex vikur. Í spjalli um stjórnmál í Evrópu fór Björn Malmquist, fréttamaður í Brussel, yfir nýja könnun sem sýnir m.a. að útlit er fyrir talsvert meiri kosningaþátttöku en síðast. Öryggis- og varnarmál, efnahagsmál, heilbrigðismál og fátækt eru þau mál sem kjósendur telja brýnustu viðfangsefni Evrópuþingsins.
Á aðalfundi Byggðastofnunar í síðustu viku var Landstólpinn afhentur en það er hvatningar- og bjartsýnisviðurkenning sem stofnunin veitir vegna vel heppnaðra byggðaverkefna. Enskumælandi ráðið í Mýrdalshreppi hlaut viðurkenninguna í ár. Í því situr fólk sem ekki á íslensku að móðurmáli og hefur þar vettvang til aðkomu að málefnum sveitarfélagsins. Einar Freyr Elínarson sveitarstjóri sagði okkur frá Enskumælandi ráðinu.
Tónlist:
Hold me, thrill me, kiss me - Carter, Mel.
Fifth Dimension, The - Aquarius.
Tritt, William, Cincinnati Pops Orchestra - Theme from 'Love story' ((1970).
Hoff, Jan Gunnar - The years.
Simone, Nina - Love o' love.
