Ársfundur Árnastofnunar er í dag. Steinþór Steingrímsson rannsóknalektor fjallar þar um notkun gervigreindar hjá stofnuninni. Hann sagði stuttlega frá í símaspjalli.
Í Heimsglugganum fjallaði Bogi Ágústsson meðal annars um endurskoðun Svisslendinga á hlutleysisstefnu ríkisins, nýjan utanríkisráðherra Svíþjóðar og umræðum í breska þinginu í gær. Þá sagði hann frá bandarískum sagnfræðingi sem hefur spáð rétt fyrir um úrslit forsetakosninga í Bandaríkjunum í 40 ár, utan einu sinni.
Lögreglusamþykkt Reykjavíkur er nú til endurskoðunar, einkum vegna tíðra hnífaárása. Skýrt er fjallað um meðferð skotvopna í samþykktinni en ekki minnst á hnífa. Því vill borgarstjóri breyta. Af þessu tilefni var blaðað í gömlum og nýjum lögreglusamþykktum.
Út er komin skýrsla um þjóðgarða á Vestfjörðum. Höfundurinn, Hjörleifur Finnsson, starfsmaður Vestfjarðastofu, sagði frá ágæti þjóðgarða á byggðaþróun og þeim möguleikum sem varpað er fram í skýrslunni.
Tónlist:
Litli tónlistarmaðurinn - Sinfóníuhljómsv. Ísl. og Ragnheiður Gröndal,
Draumur fangans - Erla Þorsteinsdóttir,
Innertrio - Jan Johansson,
Í faðmi fjallanna - Helgi Björnsson,
Frostrósir - Haukur Morthens.
