Afkoma sveitarfélaganna á síðasta ári var misjöfn eins og gengur. Staða þeirra heilt yfir er líka misjöfn. Lykiltölurnar eru margar og umsvifin og áherslurnar af ólíku tagi. Við sökktum okkur ofan í ársreikninga sveitarfélaganna í höfuðborgarsvæðinu með Þórði Snæ Júlíussyni, ritstjóra Heimildarinnar, og reyndum að gera okkur grein fyrir hvar gefur á bátinn og hvar allt er í grænum sjó.
Óhug hefur sett að mörgum í Þýskalandi eftir að ráðist var á tvo frambjóðendur til Evrópuþingsins í borginni Dresden á föstudagskvöld. Talið er að nýnasistar hafi verið að verki. Ofbeldisverkunum hefur verið mótmælt bæði í Dresden og Berlín, og ráðamenn hafa fordæmt árásirnar. Arthur Björgvin Bollason sagði frá þessu og fleiru í Berlínarspjalli.
Í gærmorgun spjölluðum við stuttlega um Ermarsundsgöngin; 30 ár voru þá frá vígslu þeirra. Framkvæmdin var umfangsmikil enda göngin 50 kílómetra löng. Tveimur árum eftir vígsluna ytra var byrjað að grafa Hvalfjarðargöng. Þau eru töluvert styttri en göngin undir Ermarsundið en þetta var heilmikið dæmi á íslenskan mælikvarða. Við rifjuðum þá sögu upp með Gísla Gíslasyni sem þá var stjórnarformaður Spalar.
Tónlist:
Williams, John, Laine, Cleo - Killing me softly with John Williams.
Heath, Percy, Lewis, John, Modern Jazz Quartet, The, Kay, Connie, Jackson, Milt - Softly as in a morning sunrise.
Gísli Kjaran Kristjánsson - Góðan dag - Morgunvaktin - Upphaf.
Diddi og Reynir, Sigurður Hallmarsson, Reynir Jónasson - Skottish.
