Yfirþyrmandi þreyta er eitt helsta einkenni ME sjúkdómsins; það er krónískur taugasjúkdómur sem margir þjást af. Í dag verður sett á fót þekkingar- og ráðgjafarmiðstöð um ME og langvarandi eftirstöðvar Covid-19, hún verður á Akureyri og mun starfa undir heitinu Akureyrarklíníkin. Eyrún Sigrúnardóttir er formaður ME- félagsins á Íslandi, og hún sagði okkur frá lífinu með sjúkdómnum og baráttunni fyrir viðurkenningu.
Á laugardagskvöld verður haldið sveitaball á Skarðsströnd. Það er haldið í minningu Hreins Friðfinnssonar myndlistarmanns sem lést fyrr á árinu. Þar verður nikkan þanin, dansinn stiginn og kannski sopið af fleygum. Þorgrímur Einar Guðbjartsson, bóndi á Erpsstöðum, sagði okkur frá því og fleiru.
Svo lyftum við andanum, eins og við köllum það, með Magnúsi Lyngdal. Hann fræddi okkur um sígilda tónlist næstu vikur, líkt og hann gerði í vor. Í dag var til umfjöllunar laglína sem fyrst var leikin á fimmtándu öld og mörg tónskáld hafa notað í verkum sínum síðan.
Tónlist:
Rebekka Blöndal og Moses Hightower - Hvað þú vilt.
Stína Ágústsdóttir Tríó - After the rain.
Raknhamínov - Stef eftir Corelli
La Sfera Armoniosa - Folias
Jordi Savall - Folias (A 3) Echa Para Mi
Jordi Savall - Marais: Improvisations sur le folies
Jan Johansson - Sinclairvisan (La Folia)
Apollo's Fire - La Folia - Madness.
