Samfélag eftir máli heitir nýútkomin bók. Í henni fjallar Haraldur Sigurðsson skipulagsfræðingur um skipulag þéttbýlis á síðustu öld; um stefnur og strauma, hugsjónir og átök. Haraldur var gestur Morgunvaktarinnar, og við blöðuðum í bókinni og spjöllum vítt og breitt um skipulag þorpanna, bæjanna og borgarinnar.
Björn Malmquist fréttamaður í Brussel var líka með okkur. Leiðtogar Evrópusambandsríkjanna koma saman seinna í vikunni og ræða meðal annars stækkunarmál sambandsins ? einnig ræddi hann við starfsmann Sambands íslenskra sveitarfélaga í Brussel, Óttar Frey Gíslason.
Mannréttindadagurinn var í gær, 10. desember. Þá voru 75 ár liðin frá samþykkt Mannréttindayfirlýsingar Sameinuðu þjóðanna, sem síðan hefur lagt grunn að mannréttindastarfi í heiminum. Við veltum því fyrir okkur í dag hvernig Ísland og Íslendingar umgangast mannréttindaskuldbindingar með Margréti Steinarsdóttur framkvæmdastjóra Mannréttindaskrifstofu Íslands.
Umsjón: Björn Þór Sigbjörnsson og Þórunn Elísabet Bogadóttir.
Tónlist:
Lee, Brenda - Weep no more my baby.
Þórarinn Ólafsson, Jón Páll Bjarnason, Árni Egilsson, Útlendingahersveitin, Árni Scheving, Pétur Östlund - Get out of town.
