Páll Erland, forstjóri HS veitna var fyrsti gestur þáttarins. Ár er liðið síðan heitavatnslögnin úr Svartsengi var hrauni að bráð og heitavatnslaust varð hjá 28 þúsund íbúum á Reykjanesi. Hratt var brugðist við og ný lögn lögð. Ýmislegt hefur verið gert síðan til að styrkja veitukerfið á svæðinu.
Björn Malmquist fréttamaður sagði tíðindi úr stjórnmálum í Evrópu, m.a. úr kosningabaráttunni í Þýskalandi og nýafstöðnum kosningum í Kósóvó. Þá sagði hann frá fundi harðlínu-hægrifólks í Evrópu í Madrid í gær undir yfirskriftinni Gerum Evrópu gildandi á ný, sem hefur skírskotun í slagorð Trumps Bandaríkjaforseta. Áhyggjur af hertum skilyrðum rannsóknasjóða Evrópusambandsins voru líka viðraðar, rætt var við Ágúst Hjört Ingþórsson hjá Rannís.
Kirkjutröppurnar á Akureyri eru líklega þekktustu tröppur í norður Evrópu. Þær voru teknar í gagnið á ný rétt fyrir jól eftir endurnýjun, Akureyringum og gestum til ánægju. Jón Hjaltason sagnfræðingur sagði frá tröppunum sem bæjarbúar hafa alla tíð verið afar stoltir af.
Tónlist:
Syneta - Bubbi Morthens,
Call me Joker - Hildur Guðnadóttir,
Dawn - Arctic Philharmonic,
Raunasaga - Hljómsveit Ingimars Eydal,
Sumar og sól - Hljómsveit Ingimars Eydal,
Ungur ég unni þér - Hljómsveit Ingimarsd Eydal.
