Nýlega bárust fréttir af því að Veitur dótturfélag Orkuveitunnar leitaði að jarðhita á höfuðborgarsvæðinu og allt er þetta gert til að tryggja stöðuga afhendingu á heitu vatni til íbúa og fyrirtækja. Þráinn Friðriksson er auðlindaleiðtogi hitaveitu hjá Orkuveitunni og hann sagði okkur allt um leit að heitu vatni sem við notum jú öll.
Í dag eru 40ár síðan allsherjaverkfall BSRB skall á. Áhrif þess voru mjög víðtæk. Skólar lokuðu, strætisvagnar stoppuðu og RÚV sendi út lítið sem ekkert. Það voru engir samfélagsmiðlar nér netflix til að drepa tímann með, ófermndarástand myndi nútíma einstaklingur kalla þetta. Ögmundur Jónasson fyrrum alþingismaður starfaði sem fréttamaður hér á RÚV þegar verkfallið skall á. Við heyrðum í Ögmundi.
Vísindavefurinn hlaut á dögunum viðurkenningu Rannís fyrir framúrskarandi vísindamiðlun en vefurinn hefur allt frá árinu 2000 fjallað um allar tegundir vísinda og fræða, allt frá stjörnufræði til handrita og frá sameindalíffræði til sálfræði. Jón Gunnar Þorsteinsson er ritstjóri Vísindavefsins hann kom í síðdegisútvarpið
Síðustu tónleikarnir Vitringanna þriggja fóru í sölu í dag og það þýðir að þessir þrír vitru menn ætla að halda 25 tónleikar á næstunni og ef við kunnum að reikna þá eru það ca 16 þús.manns sem munu hlýða á. En hvað gerir það að verkum að þeir Eyþór Ingi, Friðrik Ómar og Jogvan Hanssen eru að ná svona til landans við fengum að vita það í Síðdegisútvarpinu í tali og tónum.
Við fengum þá félaga sem þjóðin þekkir sem Steinda Jr og Dóra DNA í heimsókn til okkar á eftir. Þeir hafa undanfarið ferðast víða um heiminn saman til þess eins að upplifa allt það hallærislegasta, lélegasta og versta sem ferðaiðnaðurinn hefur upp á að bjóða. Þættirnir heita Ein Stjarna og verða sýndir á Stöð 2.
Um helgina verða flottustu kettir landsins til sýnis í Reiðhöllinni á alþjóðlegri sýningu Kynjakatta. Thelma Rut Stefánsdóttir er yfirdómþjónn sýningarinnar, hún er á línunni.
