Síðdegisútvarpið

Maggi Scheving,Halli Melló,Molly,motown og áfram Ísland

Magnús Scheving - Föstudagsgesturinn að þessu sinni er enginn annar en Magnús Scheving. Hann mætti til okkar klukkan fimm og fékk sér kaffibolla með okkur.

Við elskum að heyra í íslendingum í útlöndum og á eftir ætlum við að hringja til Danmerkur og heyra í Mollý sem þar er búsett. Mollý starfar í tískubransanum og gefur út tónlist í Danmörku og við spjölluðum við hana um lífið og tilveruna ytra og fengum að heyra lagið Fanget.

Nemendur í Tónlistarskóla FÍH eru um þessar mundir að setja upp Motown sýningu í skólanum og við fengum til okkar nokkra þátttakendur til að taka lagið.

Hallgrímur Ólafsson leikari eða Halli Melló er einn af þátttakendum í söngleiknum Stormi í Þjóðleikhúsinu en þar kemur hann meðal annars fram með gítar að vopni nema hvað að í gær lenti hann í óhappi í eldhúsinu sem gæti sett strik í reikninginn. Við heyrðum í Halla.

Við hituðum upp fyrir landsleikinn með Hilmari Jökli Stefánssyni úr Tólfunni.

Frumflutt

21. mars 2025

Aðgengilegt til

Rennur ekki út

Þau Guðrún Dís Emilsdóttir, Hrafnhildur Halldórsdóttir og Sigurður Þorri Gunnarsson halda landanum vel upplýstum um menn og málefni á leið úr vinnu í eftirmiðdaginn. Þau fylgjast vel með fréttum og dægurmálum og spila nóg af góðri tónlist.