Aukakosningar eru í Clacton-kjördæmi á Englandi í dag eftir að Nigel Farage, leiðtogi Reform UK, sagði af sér þingmennsku. Hann býður sig aftur fram og helsti keppinauturinn er Fötufés greifi, Count Binface. Sigrún Sævarsdóttir-Griffiths er okkar kona í Bretlandi. Hún var á línunni.
Eru kröfur sem gerðar eru til fyrirtækja sem ætla að hefja veitingarekstur of miklar? Er stjórnsýslan ekki að standa sig við að afgreiða umsóknir en mörg dæmi eru um mikinn seinagang í Reykjavík. Einar Bárðason, framkvæmdarstjóri SVEIT, sem eru Samtök fyrirtækja á veitingamarkaði, ræddi þessi leyfismál við okkur.
Sumarið er sko alls ekki búið. Nóg er um að vera víða um land um næstu helgi og margt hægt að skoða og sjá. Blómstrandidagar fara fram um helgina í Hveragerði. En hver eru tengsl kanadíska hersins og Hveragerðis? Sigríður Hjálmarsdóttir, menningar-, atvinnu- og markaðsfulltrúi, Hveragerðisbæjar var á línunni.
Selirnir við Íslandsstrendur eru færri en áður og nýjustu niðurstöður úr síðustu selatalningu benda til þess að stofninn sé ekki að ná sér á strik. Við ætlum ræddum þá stöðu, selarannsóknir og starf Selaseturs Íslands á Hvammstanga við Örvar Birki Eiríksson framkvæmdastjóra Selseturs Íslands.
Leikskólastarf er hafið í Grindavík og fyrstu börnin mættu í leikskólann í dag. Þetta hljóta að teljast stórtíðindi í hugum þeirra sem stefna á að búa og starfa í Grindavík í framtíðinni, við heyrðum í Guðbjörgu Eyjólfsdóttur hún er formaður Járngerðar, sem eru hollvinasamtök uppbyggingar og framtíðar Grindavíkur.
Við heyrðum að skemmtilegu brúðkaupi í fjörunni á Álftanesi í almyrkvanum í gær og ræddum við brúðin Aldísi Lilju sem lét pússa sig saman við hann Einar Val
Götubitinn efnir til mikillar matarhátíðar í Kolaportinu núna helgina. Þar koma samannokkrir af fremstu götubitum landsins, en um er að ræða þá matarvagna og sölubása sem stóðu uppi sem sigurvegarar á Götubitahátíðinni sem haldin var fyrr í sumar. En hvernig hefur sumarið verið hjá þeim sem selja mat úr svokölluðum matarvögnum? Róbert Aron Magnússon fræddi okkur um Götubita-sumarið.
