Síðdegisútvarpið

Umbra,Úkraína,vasaþjófar og styttra sumarfrí á Alþingi

Þórunn Sveinbjarnadóttir forseti Alþingis vill styttra sumarfrí fyrir Alþingismenn. Við ræddum málið við Þórunni.

Mikið hefur verið um vasaþjófnað á vinsælum ferðamannastöðum og nú eru meðal annars þeir ferðamenn sem sækja Hallgrímskirkju heim varaðir sérstaklega við vasaþjófum áður en þeir halda inn í kirkjuna. Grétar Einarsson kirkjuhaldari var á línunni. Og því næst settum við okkur í samband við Einar Ásgeir Sæmundsen þjóðgarðsvörð á Þingvöllum.

Meðferð forsætisráðuneytisins á erindi um mál Ásthildar Lóu Þórsdóttur fyrrverandi mennta- og barnamálaráðherra var til umfjöllunar á opnum fundi stjórnskipunar- og eftirlitsnefndar Alþingis í dag. Kristrún Frostadóttir forsætisráðherra var gestur fundarins. Helstu atriði sem farið var yfir er hvort trúnaði hafi verið heitið þegar beiðni um fund barst fyrst. Það símtal ku hafa farið til Umbru – En hvað er Umbra ? Viktor Jens Vigfússon framkvæmdagstjóri Umbru var á línunni.

Trump hefur undanfarið reynt að stilla til friðar á milli Rússlands og Úkraínu en nú hefur Bandaríkjaforseti hefur sakað Úkraínumenn um að standa í vegi fyrir friði með því að verða ekki við kröfum Rússa. Við fengum Val Gunnarsson sagnfræðing og sérfræðing í málefnum Úkraínu og Rússlands til að fara yfir stöðuna með okkur á mannamáli.