Á morgun verður fjallað um fjármál og rekstur íþróttafélaga í menningar og íþróttaráði Reykjavíkur. Kveikjan að fundinum er er mikil vinna sem hefur staðið yfir undanfarið ár við að rétta við tvísýnan fjárhag stærsta íþróttafélagins í borginni Fjölnis eftir að stefndi í óefni þar í byrjun síðasta árs. Skúli Helgason er formaður menningar og íþróttaráðs Reykjavíkur og hann kom til okkar ásamt Jarþrúði Hönnu Jóhannsdóttur formanni Fjölnis.
Jórunn Harðadóttir er ekki bara jarðfræðingur því hún er líka skytta. Þessa dagana eru RIG leikarnir í gangi, eða Reykjavík International Games og þar er jú, kept í skotfimi með loftskammbyssu og loftriffli. Jórunn sagði okkur frá.
Í dag, 23. janúar eru 52 ár liðin frá því eldgos braust út á Heimaey. Á laugardaginn á að flytja bestu Þjóðhátíðarlögin og gömlu perlurnar af einvalaliði listamanna í Hörpu. Við rifjuðum upp og hituðum upp fyrir tónleikana og þau Bjarni Ólafur Guðmundsson, Magnús Kjartan og Klara Elías komu til okkar.
Í vikunni kom út bókin Horfin Athygli. Þetta er ótrúleg greining á því hvernig stórfyrirtæki grafa markvisst undan athyglisgáfu fólks og áhrifin sem það hefur til að mynda á lýðræðið. Viðar Halldórsson, prófessor í félagsfræði las bókina nýlega og ætlar hann að halda athygli okkar á hlustanda á meðan hann segir okkur hvað í bókinni sé að finna.
Þrátt fyrir að jólabókaflóðið sé nýafstaðið þá eru íslendingar heldur betur að kaupa bækur og það notaðar. Við tókum stöðuna á fornbóksalanum Ara Gísla Bragasyni sem stendur í ströngu með risamarkað sem hófst í gær.
Blaðamaðurinn Atli Steinn Guðmundsson er búinn að vera í rúmlega ár að eltast við kollega sinn Diamant Salihu sem er helsti sérfræðingur sænska ríkisútvarpsins SVT í þeirri ofbeldis- og glæpaöldu sem sænska þjóðin hefur mátt sæta misserum saman, loksins hafði Atli upp á kappanum og viðtalið birtist á mbl.is í dag og er það vægt til orða tekið sláandi.
