Síðdegisútvarpið

Skessan, verðhækkanir, Guðmundur Andri, Jólalagatal og Luigi

Fjármál FH og málefni knatthússins Skessunnar hafa verið áberandi í fjölmiðlum síðasta sólarhringinn. Við fengum Val Grettisson blaðamann á Heimildin til að fara yfir þetta mál með okkur.

Logi Tómasson eða Luigi eins og hann kallar sig, tónlistarmaður og landsliðsmaður í fótbolta kom til okkar í spjall.

Rithöfundurinn Guðmundur Andri Thorsson var að senda frá sér bókina Synir himnasmiðs en aðdáendur Guðmundar sem þurft hafa að bíða í áratug eftir bók geta nú tekið gleði sína á ný. Sagan fjallar um tólf karlmenn og lífsögur þeirra sem vindast og bindast saman án þess þó að þeir séu endilega meðvitaðir um það. Guðmundur Andri kemur til okkar í dag og ræddi við okkur um bókina og lífið.

Við rákum augun í skemmtilegt verkefni sem er í gangi á samfélagsmiðlum og kallast JólaLagaTal en það gengur út á að laga eitthvað á heimilinu á hverjum degi fram að jólum. Sá sem setti þetta verkefni af stað heitir Óskar Þór Þráinsson og hann kom til okkar í síðdegisútvarpið og sagði frá.

Verðhækkanir hafa verið boðaðar hér á landi eftir áramótin. Breki Karlsson formaður Neytendasamtakanna segir það ekki ganga að neytendur þurfi alltaf að bera hitann og þungann af öllunum hækkunum sem verða og bendir á að engin umræða sé um verðhækkanir erlendis. Breki var hjá okkur.

Frumflutt

18. des. 2024

Aðgengilegt til

18. des. 2025

Þau Guðrún Dís Emilsdóttir, Hrafnhildur Halldórsdóttir og Sigurður Þorri Gunnarsson halda landanum vel upplýstum um menn og málefni á leið úr vinnu í eftirmiðdaginn. Þau fylgjast vel með fréttum og dægurmálum og spila nóg af góðri tónlist.