Í gær, 3.desember var alþjóðadagur fólks með fötlun og á honum er kastljósinu beint að réttindabaráttu fólks með fötlun og mikilvægu framlagi þess breiða hóps í samfélaginu. Fólk með fötlun er um 15 prósent mannkyns samkvæmt skilgreiningu Alþjóðaheilbrigðisstofnunarinnar, eða um 57 þúsund manns hér á landi. Í tilefni dagsins voru hvatningaverðlaun ÖBÍ veitt í gær og þau hlaut Bíó Paradís í þetta sinn vegna frumkvæðis að aðgengi fyrir alla með sérstöku tilliti til ólíkra hópa. Alma Ýr Ingólfsdóttir, formaður ÖBÍ, kom í þáttinn í dag og sagði okkur frá því sem fram fór í gær, átakinu Upplýst samfélag og fór með okkur yfir stöðuna og hverjar eru helstu áherslurnar í dag, þar voru kjaramálin fyrirferðamikil.
Við fengum vinkil í dag frá Guðjóni Helga Ólafssyni. Í þetta sinn bar hann vinkilinn að hugtakinu nytjahyggju eða fúnksjónalisma og að auki gaf hann okkur aðventustemmningu frá Bjarna Guðmundssyni á Hvanneyri til að setja allt í samhengi.
Lesandi vikunnar í þetta sinn var Ingibjörg Dögg Kjartansdóttir, en hún er ein af þremur ritstjórum Heimildarinnar. Bókin Ég verð aldrei ungfrú meðfærileg sem hún skrifaði um ævi Guðrúnar Jónsdóttur er nýkomin út. Við fengum að heyra aðeins um þá bók og svo sagði hún okkur auðvitað frá því hvað hún hefur verið að lesa undanfarið og hvaða bækur og höfundar hafa haft mest áhrif á hana í gegnum tíðina. Ingibjörg Dögg sagði frá eftirtöldum bókum:
Högni e. Auði Jónsdóttur
Saknaðarilmur e. Elísabetu Jökulsdóttur
Devotion, why I write e. Patti Smith
Múmínálfarnir e. Tove Janson
Ronja ræningjadóttir e. Astrid Lindgren
Tónlist í þættinum í dag:
Þín allra bestu jól / Katrín Halldóra Sigurðardóttir (Bragi Valdimar Skúlason)
Einsemd / Snorri Helgason (Snorri Helgason og Guðmundur Óskar Guðmundsson)
Escucha mi canto / Machito and his Afro Cubans (Justi Barreto Blanco)
UMSJÓN: GUNNAR HANSSON
