Spegillinn

Skúffaðir nágrannar í Frakklandi, flókin stjórnarmyndun framundan

Lára Benjnouh býr í 800 manna þorpi í blómlegu landbúnaðarhéraði í Cher-dalnum Mið-Frakklandi. Það er óhætt að segja að meirihluti nágranna hennar hafi sennilega búist við sigri síns fólks í gær. 56% kusu Þjóðarfylkingu Le Pen og hún gerir ráð fyrir að margir séu skúffaðir. Sjálf býst hún allt eins við stjórnarkreppu, en segir það betra en að öfgafólk nái stjórnartaumunum í Frakklandi.

Eirkur Bergmann Einarsson prófessor í stjórnmálafræði segir að það verði ákaflega flókið að mynda stjórn í Frakklandi. Miðjublokkin og vinstriblokkin hljóti að reyna að ná saman en sumir í miðflokkunum vilji alls ekki vinna með sumum í vinstri blokkunum. Þá sé hægt að reyna að mynda minnihluststjórn, jafnvel einhverskonar utanþingsstjórn.

Frumflutt

8. júlí 2024

Aðgengilegt til

Rennur ekki út

• 00:00:08 Frönsku kosningarnar Eiríkur Bergmann

Fréttir og fréttaskýringar í útvarpi þar sem kafað er dýpra í málin, þau sett í stærra samhengi og skýringa leitað.