Umræða um fordóma og einelti hefur verið áberandi undanfarnar vikur og margir þolendur sagt frá sinni reynslu. Rætt var við Arnar Ævarsson, framkvæmdastjóra Heimilis og skóla auk þess sem sýnt var viðtal Elsu Maríu Guðlaugs Drífudóttir fréttamanns við Ísabellu Von og móður hennar Sædísi Hrönn Samúelsdóttur. Sædís steig fram á samfélagsmiðlum um helgina og lýsti hræðilegu ofbeldi sem dóttir hennar hefur orðið fyrir.

Aldrei hafa fleiri látist hér á landi vegna lyfjaeitrana en í fyrra. Alls létu 46 manns lífið af þeim orsökum en 37 árið á undan. Mörg þessara dauðsfalla eru rakin til ópíóíða. Kastljós ræddi við Magnús Karl Magnússon, prófessor í lyfjafræði um þessa vaxandi vá og hvernig er hægt að sporna gegn henni.

Hátt í 100 listamenn taka þátt í List án landamæra í ár, hátíð sem beitir sér fyrir fjölbreyttu listalífi og hefur aldrei fundið jafn mikinn samhljóm með umræðu um þátttöku allra í listum og menningu.