Áframhaldandi hækkun húsnæðisverðs keyrir enn upp verðbólguna og ekki hefur tekist að auka framboð nýs húsnæðis í takt við eftirspurn. Seðlabankinn hækkaði stýrivexti um eitt prósentustig í dag og kynnti í síðustu viku hert skilyrði fyrir lántakendur húsnæðislána í því skyni að reyna að koma böndum á hækkunina. Aðilar vinnumarkaðarins eru að setja saman kröfugerð um þessar mundir fyrir kjaraviðræður sem hefjast síðar á árinu. Til að ræða þetta komu Drífa Snædal, forseti ASÍ og Sigurður Hannesson framkvæmdastjóri Samtaka iðnaðarins.