Í dag kom út ný skýrsla um heimilisofbeldi sem sýnir að tilkynntum brotum heldur áfram að fjölga. Kastljós ræddi við Sigríði Björk Guðjónsdóttur, ríkislögreglustjóra, sem segir að þrátt fyrir aukinn fjölda tilkynntra mála bendi þó margt til að ekki sé um raunverulega fjölgun að ræða í samfélaginu.

Talið er að tólf til fímmtán þúsund konur á Íslandi þjáist af endómetríósu sem getur verið mjög sársaukafullur sjúkdómur sem orsakast af innvortis bólgum og samgróningum í legi og fleiri líffærum í kviðarholi. Samtök um endómetríósu segja að einungis en af hverjum fjórum konum með sjúkdóminn hafi fengið greiningu og Margar konur lýsa mikilli þrautagöngu í heilbrigðiskerfinu. Ein þeirra er Natalia Olender sem flaug í morgun til Póllands þar sem hún fer í aðgerð á morgun eftir tveggja ára bið eftir aðgerð hér á landi.

Það var mikið um að vera í ungmennastarfi um helgina. Samfés, Landssamtök félagsmiðstöðva og ungmennahúsa á Íslandi, hélt árlega danskeppni sína á föstudag og hönnunarkeppni á laugardag. Kastljós kynnti sér hvað var um að vera.