Fulltrúar 17 félaga innan Starfsgreinasambandsins og Samtaka atvinnulífsins undirrituðu kjarasamninga til 14 mánaða um helgina. Vilhjálmur Birgisson, formaður Starfsgreinasambandsins, segir þetta einu bestu samninga sem hann hafi gert, en formenn Eflingar og VR, hafa lýst yfir vonbrigðum með samninginn og virðist vera grunnt á hinu góða milli þessara fyrrum bandamanna. Vilhjálmur Birgisson og Sólveig Anna Jónsdóttir, formaður Eflingar, voru gestir Kastljóss.

Kynfræðsla ætti að vera skyldufag í skólum og hefjast við upphaf skólagöngu en til þess þyrfti að breyta aðalnámskrá. Þetta er niðurstaða starfshóps um kynfræðslu í grunn- og framhaldsskólum sem skilaði tillögum til menntamálaráðherra fyrir einu og hálfu ári. En síðan hefur lítið gerst. Kastljós kannaði stöðuna.

Feneyjatvíæringnum, stærsta myndlistarviðburði heims, lauk í lok nóvember en nú hefur Myndlistarmiðstöð ákveðið hver fulltrúi Íslands verður á tvíæringnum 2024. Við komumst að því hver það verður.