Söfnunarútsending Unicef verður í beinni útsendingu annað kvöld en þar munu landsþekktir skemmtikraftar koma fram auk þess sem vakin verður athygli á aðstæðum barna í stríði. Markmið útsendingarinnar er að fjölga heimsforeldrum Unicef. Kastljós leit við á æfingu fyrir stóra kvöldið.

Kvikmyndin Skjálfti var frumsýnd hér á landi á fimmtudaginn. Myndin, sem er í leikstjórn Tinnu Hrafnsdóttur, snertir á leyndarmál fjölskyldu og þöggun.

Hljómsveitin Toymachine var á góðri leið með að meika það fyrir aldamót þegar allt sprakk í loft upp og liðsmenn héldu hver í sína átt. Baldvin Z trommari varð leikstjóri og Jenni söngvari gekk í Brain Police. Mörgum árum síðar tókst þeim að lappa upp á sambandið og meira að segja gefa út plötu, sem þeir fagna með útgáfutónleikum á Akureyri og í Reykjavík um helgina. Óðinn Svan Óðinsson leit á æfingu fyrir norðan.