Allt er á suðupunkti á landamærum Rússlands og Úkraínu eftir að Vladimír Pútín Rússlandsforseti viðurkenndi sjálfstæði héraðanna Donetsk og Luhansk, sem eru innan landamæra Úkraínu, og skipaði í kjölfarið rússneska hernum að fara yfir landamærin. Leiðtogar Vesturlanda segja ákvörðun Pútíns brot á alþjóðalögum, og gefa ekkert fyrir skýringar Pútíns um að herinn eigi að sinna friðargæslu. SIgríður Dögg ræðir við Þórdísi Kolbrúnu Reykfjörð Gylfadóttur um stöðuna og í beinu framhaldi við þau Brynju Huld Óskarsdóttur, öryggis- og varnarmálafræðing, og Ingólf Bjarna Sigfússon fréttamann.

Listamaðurinn Helgi Þorgils opnaði tvær sýningar síðastliðna helgi, eina á Akureyri og hina í Reykjavík. Þennan drjúga innblástur þakkar Helgi því að vera síforvitinn að fylgja eigin reglum. Guðrún Sóley heimsótti Helga í Reykjavík og Óðinn Svan skoðaði sýningu hans á Akureyri.