Dómur sem féll í gær í meiðyrðamáli Ingólfs Þórarinssonar gegn Sindra Þór Hilmars og Sigríðarsyni hefur vakið mikla athygli en Sindri var sýknaður af öllum kröfum Ingólfs. Margir velta því nú fyrir sér hvort með honum sé endanlega búið að gefa grænt ljós á að öll ummæli um fólk séu gjaldgeng í opinberri umræðu. Lögmennirninr Gunnar Ingi Jóhannsson og Auður Björg Jónsdóttir lögmaður Ingólfs ræddu málin.

Andrei Menshenin er rússneskur blaðamaður sem hefur búið hér á landi frá árinu 2016. Hann hefur gagnrýnt rússnesk stjórnvöld fyrir stríðsreksturinn í Úkraínu og skipualgt mótmæli fyrir utan sendiráðið í Reykjavík. Nú óttast hann um framtíð sína á Íslandi þar sem vegabréfið hans er að renna út og við honum blasir handtaka fari hann til baka til Rússlands.

Nýtt millilandaflugfélag, Niceair, fer í jómfrúarferð sína til Kaupmannahafnar á fimmtudag en það mun að auki fljúga til London og Tenerife í sumar. Þorvaldur Lúðvík Sigurjónsson, framkvæmdastjóri segir fyrirtækið veðja á erlenda ferðamenn og telur að það geti stækkað Ísland sem áfangastað.