Hópur hinsegin unglinga í Reykjavík segist verða fyrir daglegu aðkasti, sem á meðal annars rætur sínar að rekja til samfélagsmiðilsins TikTok. Þau segjast jafnvel forðast að fara ein út úr húsi. Foreldrar þeirra lifa í stöðugum ótta og biðla til annarra foreldra að fræða börnin sín um skaðsemi eineltis og áreitni. Kastljós ræddi við ungmennin og foreldra þeirra.

Átta manna hópur komst heilu og höldnu til byggða í síðustu viku eftir að hafa gengið þvert yfir Grænlandsjökul á rúmum mánuði. Þrátt fyrir góðan undirbúning voru aðstæður erfiðari en hópurinn átti von á en það kom þó aldrei til greina að gefast upp, eins og við komumst að.

Uppskeruhátíð Listaháskóla Íslands samanstendur af tónleikum, leik- og danssýningum og myndlistar- og tískusýningu. Og þá er ekki allt upp talið. Við stukkum á milli sýningarstaða og kynntumst upprennandi listamönnum þessa lands.