Í dag tilkynntu forsvarsmenn ríkisstjórnarinnar að Bankasýslan verði lögð niður svo tryggja megi betur gagnsæi, traust og upplýsingagjöf til almennings en stjórnarandstaðan vill að Alþingi verði kallað saman umsvifalaust til að ræða bankasöluna. Katrín Jakobsdóttir forsætisráðherra ræðir við Kastljós um þetta stóra mál sem sífellt tekur nýjar beygjur.

Víðerni Íslands er stórt og mikið, en þó ekki svo stórt að ekki sé hægt að mæla það. Sérfræðingar frá Íslandi og Englandi gerðu einmitt það á dögunum. Við kynnum okkur kortlagninguna hér síðar í þættinum og hvernig hún getur gagnast okkur á ýmsan hátt.

Óður nefnist ný myndlistarsýning eftir Egil Eðvarðsson, sem stendur yfir í Pop-Up gallerý við Hafnartorg þessa dagana. Litagleði og gáski einkenna myndirnar, en Egill rekur það til þess þegar hann varð ástfanginn fyrir fimm árum síðan.