Tugir mótmælenda hafa verið myrtir í Íran undanfarna 11 daga. Hörð mótmæli hafa breiðst út eftir að ung kona lést í haldi siðgæðislögreglunnar fyrir að bera höfuðslæðu, eða hijab, á ótilhlýðilegan hátt. Engin lát virðast vera á mótmælunum og óttast er að stjórnvöld bregðist enn harðar við á næstu dögum. Lenya Rún Taha Karim, varaþingmaður Pírata, er nýkomin frá Kúrdistan þar sem hún fylgdist með atburðum, og kom í Kastljós. Einnig var rætt við Zöhru Mesbah, afgangska konu sem bjó lengi í Íran og kom til Íslands sem flóttamaður fyrir átta árum. Sjálf kýs hún að bera slæðu en segir mótmælin ekki snúast um slæður sem slíkar heldur sjálfsákvörðunarrétt kvenna.

Tvær leiksýningar voru frumsýndar í Borgarleikhúsinu á dögunum: einleikurinn Á eigin vegum sem byggir á samnefndri bók Kristínar Steinsdóttur, og franski gamanleikurinn Bara smástund. Kastljós leit við á æfingu.