Sólveig Anna Jónsdóttir var endurkjörin formaður Eflingar í gær. Kosningin var haldin í skugga harðvítugra deilna milli hennar og starfsmanna á skrifstofu félagsins í kjölfar afsagnar þeirra Sólveigar Önnu og Viðars Þorsteinssonar framkvæmdastjóra í lok október. En nú snýr hún aftur með endurnýjað umboð. Bergsteinn ræðir við Sólveigu Önnu.

Kveikur fjallaði í gær um rannsóknir á ofskynjunarefnum á borð við síló-síbín, sem er virka efnið í ofskynjunarsveppum. Þær benda til þess að ofskynjunarefni gætu orðið næsta bylting í meðferð við geðsjúkdómum. Sigríður Dögg ræddi við Engilbert Sigurðsson geðlækni um þessar rannsóknir og hvort geðlæknar gætu verið opnið fyrir þessari meðferð. En fyrst skulum við sjá stutt brot úr þættinum.

Hatursfullar upphrópanir sem birtust nýverið á gluggarúðum í Breiðholti hafa vakið hörð viðbrögð vegfarenda og íbúa. Þær reyndust aftur á móti vera hluti sýningar listarkonunnar Melanie Ubaldo og byggja á hennar eigin upplifun. Guðrún Sóley heimsótti Melanie í hið glænýja gallerí RÝMD í Breiðholti.