Lögregla verður áfram með aukinn viðbúnað í miðborginni um helgina í kjölfar hnífaárásar í Bankastræti á fimmtudag og hótana sem hafa gengið manna á millum á samfélagsmiðlum í dag. Jón Gunnarsson dómsmálaráðherra hefur boðað stríð gegn skipulagðri brotastarfsemi en ríkisstjórnin afgreiddi í morgun frumvarp hans um afbrotavarnir. Kastljós ræddi við Fjölni Sæmundsson, formann Landssambands lögreglumanna, og Margréti Valdimarsdóttur, dósent í lögreglufræðum við Háskólann á Akureyri.

Evrópa þarf að vera sameinuð og sýna styrk gegn yfirgangi Rússa, segir Sanna Marín, forsætisráðherra Finnlands. Sanna Marín hélt ásamt Katrínu Jakobsdóttur opna málstofu í Þjóðminjasafninu í dag þar sem hún ræddi umsókn Finna að Nató og öryggismál í Evrópu. Kastljós ræddi við Sönnu Marín.

Knúskrúsir, lófaskálar og endurunnið mávastell er meðal þess sem sjá má á sýningu Leirlistafélags Íslands á Korpúlfsstöðum. Við litum í heimsókn.