Sindri Björnsson, sem hefur búið í Úkraínu síðastliðin þrjú ár, flúði ásamt konu sinni og tveimur börnum frá Kænugarði fyrir nokkrum dögum. Eftir langt og strangt ferðalag komust þau yfir landamærin til Ungverjalands í gær og dvelja þar er á hóteli. Kastljós ræddi við í Sindra um stöðuna.

Olga Dibrova sendiherra Úkraínu gagnvart Íslandi er stödd hér á landi og segist sannfærð um að Úkraína muni hafa betur í baráttunni við Rússa. Það sé í genum Úkraínumanna að berjast fyrir föðurlandið. Ólöf Ragnarsdóttir ræddi við Olgu í dag.

Valdimar Óskarsson, framkvæmdastjóri Syndis á Íslandi, ræddi um netöryggi og netárásir í tengslum við stríðið í Úkraínu og getu Rússa til slíkra árása.

Splunkunýr píanókonsert sem saminn var sérstaklega fyrir Víking Heiðar Ólafsson hljómar í fyrsta sinn hér á landi í Grænu röðinni annað kvöld. Tónskáldið Daníel Bjarnason samdi verkið og stýrir jafnframt hljómsveitinni á tónleikunum. Guðrún Sóley heimsótti þá félaga í Hörpu.