Sveitarfélagið Múlaþing hefur gert samning við skoskan háskóla um fjarnám og opnun útibús á Seyðisfirði næsta haust. Forseti sveitarstjórnar vonast til þess að þessi nýjung verði hvati fyrir ungt fólk til búsetu á svæðinu. Rætt er við hann í Kastljósi. Einnig er fjallað um SÁÁ. Formaður samtakanna, Einar Hermannsson, sagði af sér á mánudaginn eftir að hafa orðið uppvís að því að hafa keypt vændi af fíknisjúklingi á árunum 2016 til 2018. Rótin, félag sem vinnur að málefnum kvenna með vímuefnavanda, hefur á undanförnum áratug bent á að úrbóta sé þörf í meðferð kvenna innan SÁÁ. Talskona Rótarinnar, Kristín Pálsdóttir er hingað komin og einnig Þóra Kristín Ásgeirsdóttir sem situr í stjórn SÁÁ.