Hvað eiga foreldrar að gera þegar börn þeirra verða uppvís að einelti eða meiðandi hegðun? Og hvernig á nærumhverfið að bregðast við? Kastljós hefur að undanförnu fjallað um gróf eineltis- og ofbeldismál og rætt við þolendur og aðstandendur þeirra. Þar á meðal er ungur drengur sem fékk hatursfull hljóðskilaboð send frá nokkrum strákum sem snerust um að hann væri hinsegin. Tveir gerendanna hafa beðið drenginn afsökunar og hann ákveðið að fyrirgefa þeim. Móðir annars þeirra segist ekki afsaka það sem sonur hennar gerði en þykir ömurlegt að hann verði nú sjálfur fyrir hótunum um ofbeldi. Móðirin féllst á að ræða við Kastljós en kemur ekki fram undir nafni til að sonur hennar þekkist ekki og verði fyrir frekara aðkasti.

Rætt við Benediktu Sörensen Valtýsdóttur, skólastjóra Ofbeldisvarnarskólans, og Kolbrúnu Hrund Sigurgeirsdóttur, verkefnisstýru hjá Jafnréttisskóla Reykjavíkur.

María Alyokhina er liðsmaður hljómsveitarinnar og aðgerðahópsins Pussy Riot, sem hefur um árabil gagnrýnt Vladimir Pútín verið fyrir vikið ofsótt í heimalandinu en vakið athygli á heimsvísu. María, eða Marsha eins og hún er kölluð er stödd hér á landi þar sem hún undirbýr viðburðaröð með Ragnari Kjartanssyni, sem liðsinnti henni raunar með flótta frá Rússlandi.