Við fjöllum um aukna fordóma gegn hinseginfólki sem virðast vera að gera vart við sig meðal grunnskólabarna. VIð höfum heyrt transbörn og hinsegin börn lýsa því að önnur börn gelti á þau af tilefnislausu. Bjarni Snæbjörnsson leikari og Ingileif Friðriksdóttir hafa hvort um sig ferðast um landið með hinseginfræðslu fyrir grunnskóla og hafa bæði mætt fordómum.

Það er enginn staður betri til að eiga uppgjör, játa syndir og grafa leyndarmál eins og íslenski sumarbústaðurinn. Hann er vettvangur nýs íslensks leikrits eftir Adolf Smára Unnarsson sem var frumsýnt í Kassa Þjóðleikhússins um helgina.

Á morgun verður spilaður einn stærsti leikur í sögu íslenskrar knattspyrnu þegar íslenska kvennalandsliðið leikur gegn Portúgal um sæti á heimsmeistarmótinu sem fram fer á næsta ári. Við fengum fyrrverandi landsliðskonuna, Hörpu Þorsteinsdóttur, til okkar.