Ný skýrsla bendir til að orkuþörf Íslands geti allt að tvöfaldast til ársins 2040 ef ná á fullum orkuskiptum í samgöngum og orkufrekur iðnaður heldur áfram að vaxa. Guðlaugur Þór Þórðarson, umhverfis-, orku- og loftlagsráðherra sat fyrir svörum um skýrsluna og framtíð orkuframleiðslu á landinu.

Olena Jadallah flúði frá Úkraínu ásamt manni og börnum en hún var búsett í borginni Irpin sem sætir nú hörðum árásum Rússa. Hún er fyrrum aðstoðarborgarstjóri þar og segir skelfilegt að sjá myndir af borginni. Hús hennar er rústir einar eftir árásirnar. Hún hyggst nú byggja upp nýtt líf á Íslandi ásamt eiginmanni sínum.

Gylfi Þór Þorsteinsson hefur fengið nýtt hlutverk og sér nú um móttöku flóttafólks frá Úkraínu. Kastljós ræddi við hann.