Guðni Th. Jóhannesson, fór fyrir íslenskri sendinefnd sem fór til Bandaríkjanna í síðustu viku og fundaði með fulltrúum alþjóðlegra tæknirisa á borð við Google, Facebook, Amazon, Apple og Microsoft. Markmiðið var að tala máli íslenskunnar - í bókstaflegum skilningi - og að sýna forsvarsmönnum þessara fyrirtækja fram á mikilvægi þess að tölvur og tæki virki á íslensku.

Við fjöllum einnig um persónuleikaröskunina narsisisma sem hefur verið áberandi í umræðu um ofbeldi að undanförnu. Við ræðum við sérfræðing sem skilgreinir hugtakið fræðilega og reifar birtingarmyndir þess og afleiðingar.